«Ամոթ կլինի, եթե պայքարը դադարեցվի: Ցանկացած մեխանիզմով՝ թեկուզ պարտիզանական փոքր-փոքր կռիվներով պետք է սրանց հարցերը լուծվի:
Ես ի սկզբանե եմ ցանկացել իշխանափոխություն: Բայց պետք է հասունանա այն պահը, որ ոչ միայն ես կամ դուք ուզենք, այլ բոլորը ցանկանան իշխանափոխություն: Կարծում եմ՝ արդեն համբերության բաժակը լցվել է, և իշխանափոխության համար միգուցե տարին չբոլորենք»,- «Առաջին լրատվական»-ի հետ զրույցում ասաց քաղաքացիական ակտիվիստ Վաղինակ Շուշանյանը:
Նա կլոունադայի շարունակություն է համարում այն, որ վարչապետ Հովիկ Աբրահամյանը շնորհակալություն է հայտնել հայրենակցին՝ Սամվել Կարապետյանին, պարտքեր կուտակած ընկերությունը ձեռք բերելու համար:
«ՀԷՑ-ը գնել է մի մարդ, որը մեր օլիգարխների, պաշտոնյաների, մի շարք չինովնիկների քավորն է, ասողը»,- ասաց Վաղինակ Շուշանյանը՝ անդրադառնալով «Տաշիր» ընկերության կողմից ՀԷՑ-ը ձեռք բերելու գործարքին:
