momondo.it հյուրանոցների, ավիա- և երկաթուղային տոմսերի որոնման հարթակը փորձել է պարզել՝ որ քաղաքն է զբոսաշրջիկներին ավելի շատ գրավում՝ Հռոմը, թե Միլանը: Այս մասին հայտնում է travel.rambler.ru-ն:
Պորտալը մշակել է 200 երկրից այդ երկու իտալական քաղաքներ չվերթների վերաբերյալ օգտատերերի հայտերը 2015թ. հունվարից օգոստոսին և դրանք համեմատել է անցած տարվա նույն ժամանակահատվածի տվյալների հետ: Հետազոտությունը ցույց է տվել Միլանի աճ 61%-ով և 59%-ով՝ Հռոմի, սակայն Իտալիայի մայրաքաղաքն առաջին տեղն է զբաղեցրել ընդհանուր հայտերի թվով:
Միլանն այս տարի ուշադրության կենտրոնում է հայտնվել Էքսպո-2015-ի շնորհիվ: Մեծ հետաքրքրություն են դրսևորել Գերմանիան (+172%), Շվեդիան (+97%) և ԱՄՆ-ը (+92%):
Հռոմը ևս լավ արդյունքներ է գրանցել արտահերթ Սուրբ տարվան ընդառաջ, որը կմեկնարկի այս տարվա դեկտեմբերի 8-ին: Այս սեզոնին Հռոմը տեսնելու ցանկություն ամենաշատը ցուցաբերել են ավստրալացիները (+107% նախորդ տարվա համեմատ): Իտալիայի մայրաքաղաքի նկատմամբ հետաքրրությունն աճել է նաև ավստրիացիների (+92%) և հոլանդացիների (+69%) շրջանում:
