ՉԺՀ նախագահ Սի Ցզինպինը, ելույթ ունենալով Նյու Յորքում՝ ՄԱԿ-ի գլխավոր ասամբլեայում, ներկայացրել է ՄԱԿ-ի դերը Երկրորդ համաշխարհային պատերազմից հետո: Այս մասին տեղեկացնում է gazeta.ru-n:
Սի Ցզինպինը իր ելույթը սկսել է վերհիշելով ճապոնական միլիտարիզմը: Նա կոչ է արել ապագայում թույլ չտալ Երկրորդ համաշխարհային պատերազմի պես ողբերգություններ: Նա ընդգծել է, որ այդ ագրեսիայի արդյունքում զոհվել է 35 հազար չինացի:
Այնուհետև նա շնորհավորել է ներկաներին ՄԱԿ-ի հիմնադրման 70-ամյակի կապակցությամբ:
«ՄԱԿ-ը ժամանակի փորձության է ենթարկվել: Նոր պատմական իրավիճակում ՄԱԿ-ը պետք է լուծի 21-րդ դարում խաղաղությանը և զարգացմանը աջակցելու խնդիրը»,- ասել է Սի Ցզինպինը՝ ավելացնելով, որ «խաղաղության, զարգացման և առաջընթացի լույսը կփայլատակի պատերազմի և զրկանքների ամպերի միջով»:
«Ինչպես ասում են Չինաստանում, խաղաղություն պետք է հաստատել բոլորի համար»,- նշել է ՉԺՀ նախագահը:
