Ռուսական RIA Novosti լրատվական գործակալության փոխանցմամբ՝ NASA-ն մրցույթ է հրապարակել «արյունոտ Լուսին» երևույթի լավագույն լուսանկարի համար, որի հաղթողը տեղ կզբաղեցնի NASA-ի կայքում։ Այդ մասին հայտնել է գործակալության մամլո ծառայությունը։
Օգտատերերն իրենց արած լուսանկարները կարող են բեռնել NASA-ի ֆեյսբուքյան էջում, տեսնել ու քվեարկել արդեն իսկ բեռնված լուսանկարների օգտին։ Մրցույթի կանոններով՝ յուրաքանչյուր օգտատեր կարող է միայն մեկ անգամ բեռնել լուսանկար ու քվեարկել։ Լուսնային խավարումը տեղի է ունենում այն ժամանակ, երբ մեր մոլորակի բնական արբանյակը, պտտվելով Երկրի շուրջը, մտնում է երկրային ստվեր։
