ՄԱԿ-ի Գլխավոր ասամբլեայի տրիբունայից կազմակերպության 70-ամյա պատմության ընթացքում շատ անգամ են հնչել աղմկոտ, ոչ միանշանակ, երբեմն էլ՝ արմատական հայտարարություններ: RIA Novosti-ն ներկայացնում է քաղաքական գործիչների ամենավառ արտահայտությունները:
1960 թ. Գլխավոր ասամբլեայի 15-րդ աշխատանքային նստաշրջանը աղետ է եղել թարգմանիչների համար. ԽՍՀՄ առաջնորդ Նիկիտա Խրուշչովն իր խոսքում խոստացել է Ամերիկայի «մերը լացացնել» (показать “кузькину мать”): Խրուշչովի թարգմանիչն ասույթը բառացի է թարգմանել՝ Kuz’kina’s mother, ինչով շփոթեցրել է լսողներին:
Նիկիտա Խրուշչովը թարգմանիչներին շփոթեցրել է նաև ֆիլիպինցի զեկուցողին անվանելով «ամերիկյան իմպերիալիզմի կամակատար»:
Նույն նստաշրջանում տեղի է ունեցել «Խրուշչովի կոշիկի» հետ կապված հայտնի դրվագը: Խրուշչովի անձնական թարգմանիչ Վիկտոր Սուխորդևի հիշողություններով՝ Խրուշչովը ոտքից հանել է կոշիկն ու սկսել դրանով խփել սեղանին՝ ի նշան ելույթ ունեցածներից մեկի դիրքորոշմանն անհամաձայնության:
Նիկիտա Խրուշչովի ելույթը ՄԱԿ-ի Գլխավոր ասամբլեայի 15-րդ նստաշրջանին
ՄԱԿ-ի ԳԱ 15-րդ նստաշրջանը հիշվել է նաև Կուբայի առաջնորդ Ֆիդել Կաստրոյի՝ «Երբ անհետանա կողոպուտի փիլիսոփայությունը, այդ ժամանակ կանհետանա նաև պատերազմի փիլիսոփայությունը» խոսքով, որը տևել է 4 ժամ 29 րոպե և ներառվել է Գինեսի ռեկորդների գրքում:
Ֆիդել Կաստրոյի ռեկորդային ելույթը ՄԱԿ-ում
1987 թ. ԱՄՆ նախագահ Ռոնալդ Ռեյգանն ասել է. «Ես ինձ հարցնում եմ՝ արդյոք արդեն այլմոլորակային ուժեր ներկա չե՞ն մեր մեջ»:
ՄԱԿ-ի կանոնադրության ստորագրում, 1945 թ.
2006 թ. եղել է ՄԱԿ-ի ԳԱ աշխատանքային նստաշրջանների պատմության ամենաարտիստիկ ելույթներից մեկը Վենեսուելայի նախագահ Ուգո Չավեսի մասնակցությամբ: Ասամլեայի առաջ ելույթ ունենալով՝ Չավեսը խաչակնքվել է՝ այդպիսով յուրատեսակ ողջույն հղելով «մարմնով սատանային»: «Սատանան», «պարզվել է», ԱՄՆ նախագահ Ջորջ Բուշ կրտսերն է եղել: Վենեսուելայի նախագահն ընդդիմադիրին առաջարկել է հոգեբանի դիմել:
2009 թ. Գլխավոր ասամբլեայի 64-րդ նստաշրջանին լիբիական հեղափոխության առաջնորդ Մուամմար Քադաֆին սուր քննադատության է ենթարկել ՄԱԿ-ի ԱԽ-ն, որը «սարսափ է ուղարկում և պատժամիջոցներ բաժանում»՝ անհավասարություն հրահրելով կազմակերպության անդամների մեջ: «Այն (ԱԽ-ն) օգտագործում են մեր դեմ, ուստի Լիբիան պարտավոր չէ հետևել ՄԱԿ-ի բանաձևերին»,- հայտարարել է Քադաֆին և հատակին է նետել կազմակերպության Խարտիան: Քադաֆիի ելույթը տևել է ավելի քան 2 ժամ 15 րոպե՝ սահմանափակման դեպքում: Խոսքի ավարտին մոտ պատվիրակների ականջակալներում գոռոց է լսվել. Քադաֆիի թարգմանիչն բարձրախոսով արաբերեն բղավել է. «Ես այլևս չեմ կարող»: Վերջին 20 րոպեները թարգմանել է արդեն ՄԱԿ-ի թարգմանիչների արաբական ծառայության ղեկավար Ռաշա Աջալակինը:
Վառ հռետորները ՄԱԿ-ի ԳԱ-ում
Գլխավոր ասամբլեայի 65-րդ նստաշրջանին լայն արձագանք է գտել Իրանի նախագահ Մահմուդ Ահմադինեժադի ելույթը: Իրանի ղեկավարն իր խոսքում ասել է, որ ԱՄՆ-ում սեպտեմբերի 11-ի ահաբեկչությունները կարող էին ծրագրված լինել ամերիկյան իշխանությունների կողմից՝ Իսրայելի պաշտպանության համար: Ահմադինեժադի խոսքով՝ «ԱՄՆ կառավարության ներսում որոշակի շրջանակներ» ունակ էին ահաբեկչական հարձակում կազմակերպել, որ «կանգնեցնեին ամերիկյան տնտեսության և Մերձավոր Արևելքում ազդեցության անկումը, միաժամանակ փրկեին սիոնիստական ռեժիմը»: Ամերիկյան պատվիրակության հետ նիստերի դահլիճը լքել են 32 երկրի ներկայացուցիչներ, ներառյալ՝ ԵՄ բոլոր անդամները, Կանադան, Ավստրալիան, Նոր Զելանդիան:
2013 թ. իր լիազորությունների ավարտից կարճ ժամանակ առաջ ՄԱԿ-ի Գլխավոր ասամբլեայում ելույթ է ունեցել Վրաստանի նախագահ Միխեիլ Սաակաշվիլին, որը հայտարարել է «Ռուսական կայսրության» ավարտի և «ՊԱԿ-ի նախկին գործակալ Վլադիմիր Պուտինի նախագծի»՝ «Եվրասիական միության» տապալման մասին: Ի նշան Սաակաշվիլիի խոսին անհամաձայնության՝ ռուսական պատվիրակությունը լքել է դահլիճը՝ չսպասելով խոսքի ավարտին, իսկ ավելի ուշ խնդրել է «Սաակաշվիլիի հոգեկան վիճակի պրոֆեսիոնալ գնահատում»: ՄԱԿ-ում Ռուսաստանի մշտական ներկայացուցիչ Վիտալի Չուրկինը Վրաստանի նախագահի ելույթն անվանել է «զառանցական հերյուրանքների հավաքածու, որոնք ունեն ոչ թե պարզապես հակառուսական, այլ ռուսաֆոբիական և հակաուղղափառ բնույթ»:
Ռուսաստանի պատվիրակությունը լքել է ՄԱԿ-ի ԳԱ դահլիճը Սաակաշվիլիի ելույթի պատճառով
