Պակիստանցի երիտասարդ իրավապաշտպան Մալալա Յուսուֆզայը ՄԱԿ-ի Գլխավոր ասամբլեայի պատվիրակներին կոչ է արել պաշտպանել երիտասարդությանը և նրան ավելի մեծ լիազորություններ հատկացնել՝ հայտնում է rosbalt.ru-ը:
Իր զգացմունքային ելույթը սկսելուց առաջ նա դահլիճից լռություն է պահանջել և պատվիրակներին կոչ է արել ուշադրությամբ լսել այն, ինչ կասի երիտասարդ սերնդի անունից:
Ելույթի ժամանակ Մալալայի կողքին կանգնած են եղել ՄԱԿ-ի կազմի մեջ մտնող 193 երկրների երիտասարդ ներկայացուցիչներ:
18-ամյա աղջիկը պետությունների և կառավարությունների ղեկավարներին կոչ է արել կատարել երիտասարդությանը տված իրենց խոստումը. «Խոստացեք մեզ, որ կկատարեք ձեր պարտավորությունները և ներդրումներ կանեք մեր ապագայի մեջ: Խոստացեք, որ յուրաքանչյուր երեխա կկարողանա ստանալ անվճար և որակյալ տարրական ու միջնակարգ կրթություն»:
