Մոնակոյում մեկնարկել է ամենահեղինակավոր զբոսանավային շոուն

Մոնակոյում կայացել է զբոսանավային 25-րդ շոուի բացումը։ Շոուին կներկայացվեն աշխարհի ամենաթանկ 52 նավերը։

Այս օրերին Պոր-Էրկյուլ նավահանգիստը վերածվում է ամենագեղեցիկ, էլեգանտ և թանկարժեք զբոսանավերի իսկական ցուցահանդեսի։

Միջոցառմանը կներկայացվեն էքսկլյուզիվ մոտորանավակներ և զբոսանավեր, որոնց արժեքը գերազանցում է ռեակտիվ օդանավերի արժեքը։ Դրանցից մի քանիսն ունեն ուղղաթիռային հարթակներ։ Որոշ նավերում բնակության շաբաթական արժեքը կազմում է 1 մլն դոլար։