Կատալոնական «Բարսելոնա»-ն մտադիր է ձմեռային տրանսֆերային պատուհանի ընթացքում նոր կիսապաշտպանի տրանսֆեր ձեռք բերել, տեղեկացնում է Goal.com-ը:
Ըստ աղբյուրի՝ «կապտանռնագույններ»-ը հետաքրքրված են պորտուգալական «Պորտու»-ի 18-ամյա կիսապաշտպան Ռուբեն Նևեսի ծառայություններով:
Ֆուտբոլիստը հետաքրքրել է անձամբ Լուիս Էնրիկեին: Տաղանդավոր ֆուտբոլիստի գործակալ Խորխե Մենդեսը նշել էր, որ իր հաճախորդի ծառայություններով հետաքրքրված է Լոնդոնի «Չելսի»-ն:
Նևեսի հրաժարագինը կազմում է 40 մլն եվրո, սակայն «կապտանռնագույններ»-ը կարող են նվազեցնել արժեքը՝ բացի գումարից «Պորտու»-ին տրամադրելով մեկ ֆուտբոլիստի տրանսֆեր:
