Չնայած Հայաստանում առկա խնդիրներին ու դժգոհություններին, ՀՀ քաղաքացիներն իրենց ավելի շատ երջանիկ են համարում, քան ոչ երջանիկ: Հետազոտական ռեսուրսների կովկասյան կենտրոն-Հայաստանի «Կովկասյան բարոմետր 2012»-ի համաձայն, որն անցած տարի հոկտեմբեր-նոյեմբերին հարցումներ է անցկացրել ՀՀ բոլոր մարզերում 2000 քաղաքացիների շրջանում, 10 բալանոց սանդղակով հայաստանցիների հավաքական երջանկությունն անցած տարի եղել է 6.7 բալ, այն դեպքում, երբ 2011-ին 6.6 բալ էր, իսկ 2010-ին՝ 6.4 բալ:
Հայերից առավել դժբախտ են ադրբեջանցիները, սակայն այնտեղ էլ երջանիկների թիվը տարեցտարի ավելանում է. 2012-ին և 2011-ին եղել է 6.1 բալ, 2010-ին՝ 5.8 բալ:
Իսկ ահա վրացիների երջանկությունը անցած տարի նախորդ տարվա համեմատ նվազել է՝ 6.9 բալից դառնալով 6.8 բալ: