Ria Novosti-ն տեղեկացնում է, որ Սիրիայի արտգործնախարար Վալիդ Մուալեմը հայտարարել է, որ Դամասկոսը կհամագործակցի ցանկացած պետության հետ, ով պատրաստ է իսկապես պայքարելու ԴԱԻՇ-ի դեմ:
Նրա խոսքերով՝ այսօրվա վիճակով, միջազգային կոալիցիայի գործողությունները ԱՄՆ-ի գլխավորությամբ անարդյունավետ են: Դամասկոսը իր հերթին աջակցում է Մոսկվայի նախաձեռնությանը՝ ահաբեկչության դեմ պայքարում Սիրիայի հետ համագործակցող պետությունների լայն ճակատ ստեղծելու վերաբերյալ:
Մուալեմը նշել է, որ Մոսկվայի հետ համագործակցությունից ակնկալում են շոշափելի արդյունքներ, քանի որ Մոսկվան գործում է միջազգային իրավունքի շրջանակում՝ հարգելով Սիրիայի ինքնիշխանությունը և համաձայնեցնելով իր գործողությունները Սիրիայի հետ, որը չի անում ԱՄՆ-ն:
ԱՄՆ-ն ձգտում է հասնել Սիրիայի նախագահ Բաշար Ասադի պաշտոնանկությանը, դրա համար էլ հրաժարվում է օգնել նրան, իսկ ՌԴ-ն բազմիցս է կոչ արել միջազգային կոալիցիային ԴԱԻՇ-ի դեմ պայքարում համագործակցել Սիրիայի իշխանությունների հետ, ՄԱԿ-ի Անվտանգության խորհրդի շրջանակներում:
