Բրիտանացի լուսանկարիչ Չարլի Ֆիլիպսը հրապարակել է ֆոտոգիրք, որում ներկայացված են դելֆինների պատկերները։ Տղամարդը լուսանկարել է կենդանիներին Շոտլանդիայի մոտ գտնվող Մարի-Ֆերտ ծոցում միգրացիայի ժամանակ։
Մասնավորապես լուսանկարներից մեկում պատկերված է դելֆինը սաղմոններ ուտելիս։ Այլ նկարներում դելֆինները պատկերված են խաղալիս։
Իր գրքով Ֆիլիպսը ցանկանում է հանրության ուշադրությունը կենտրոնացնել բնապահպանական խնդիրների վրա։ Նա նշում է, որ Հյուսիսային Սառուցյալ օվկիանոսի շրջանում նավթի ու գազի ակտիվ արդյունահանման պատճառով ձկների պոպուլյացիան զգալիորեն նվազել է, իսկ այլ կենդանիներ գաղթում են ավելի հարմարավետ միջավայր։
