«Հայաստանը ամբողջությամբ կարիք ունի համատարած արդիականացման գրեթե բոլոր բնագավառներում՝ տնտեսության մեջ, քաղաքականության մեջ, գիտության մեջ: Բայց դրա համար անհրաժեշտ է, որ Հայաստանն առաջին հերթին արդիականացվի մտածողության մեջ, իսկ դրա համար անհրաժեշտ է, որ գան նոր մրդիկ, ովքեր ունեն նոր տեսակի արժեքային համակարգ, նոր տեսակի քաղաքական մտածողություն»,- «Առաջին լրատվական»-ի հետ զրույցում ասաց «Լուսավոր Հայաստան» նորաստեղծ հասարակական-քաղաքական նախաձեռնության անդամ Հայկ Կոնջորյանը և հավելեց, որ իրենց նպատակն է կառուցել արդիականացված լուսավոր Հայաստան, որտեղ մարդը պետք է լինի ոչ թե միջոց, այլ նպատակ:
Ըստ Կոնջորյանի՝ իշխանությունը խաղում է այնքան, որքան որ նրան թույլ է տալիս ընդդիմությունը: Եթե ընդդիմությունը չի կարողանում զսպել և հավասարակշռել, ապա իշխանությունը դառնում է սանձարձակ. «Մեր հիմնարար նպատակներից մեկն է լինելու Հայաստանում՝ քաղաքական բնագավառում, զսպումների և հակակշիռների կայուն մեխանիզմ հաստատել: Դա կարելի է իրագործել միայն ինստիտուտների միջոցով»:
Մանրամասներ՝ տեսանյութում:
