Ամերիկացի իլյուզիոնիստ Սփենսեր Հորսմանը քիչ է մնացել՝ մահանա բարդ հնարքի կատարման ժամանակ, որը ներառված է եղել նրա Criss Angel մոգական շոուի մեջ: Այս մասին հայտնում է The Daily Mail-ը:
Հորսմանի շոուն չեղարկվել է երեքշաբթի Նյու Ջերսիի պետական թատրոնի մերձակա հրապարկում տեղի ունեցած դեպքի պատճառով: Իլյուզիոնիստը քիչ է մնացել՝ խեղդվի ներկայացումից առաջ մի քանի ժամ առաջ գլխավոր հնարքի փորձի ժամանակ:
Սփենսեր Հորսմանը պետք է 2,5 րոպեում դուրս գար ջրով լի ապակե տուփից: Նրա մարմինը կողպված շղթաներով կապված է եղել, արկղն էլ կռունկով օդ են բարձրացրել:
Հրապարակում հավաքվել են անցորդներ և դիտել իլյուզիոնիստի փորձը: Մի պահ մարդիկ հասկացել են, որ ինչ-որ բան այն չէ՝ Հորսմանը չի կարողացել բացել վերջին կողպեքը, և նրա կյանքը վտանգվել է:
Երբ Սփենսերը սկսել է ձեռքերն ուժեղ հարվածել տուփի ապակիներին, միջամտել են վթարային ծառայության աշխատակիցները: Իլյուզիոնիստին հանել են տուփից և տարել մոտակա հոսպիտալ:
