Sputnik Georgia լրատվական գործակալության փոխանցմամբ՝ արդեն հաստատվել է Թբիլիսիում նոր կենդանաբանական այգու կառուցման նախագիծը, որի շինարարությունը կարժենա 50-60 միլիոն լարի (20-25 միլիոն դոլար)։ Այդ մասին հայտնել է կենդանաբանական այգու աշխատակազմի ներկայացուցիչը։
Նոր կենդանաբանական այգին կառուցվելու է Թբիլիսիի ծայրամասում։ Վրաստանի իշխանությունները այդ մասին որոշումն ընդունել են հուլիսին Թբիլիսիում գրանցված ավերիչ ջրհեղեղից հետո, որն ամբողջովին ավերեց մայրաքաղաքի կենտրոնում գտնվող նախկին կենդանաբանական այգու տարածքը։
Այն իր աշխատանքները վերսկսել է 3 ամիս անց, սակայն դեռ մնացել են վնասված հատվածներ, որոնք ենթակա չեն վերականգնման։ Կենդանաբանական այգու 600 բնակիչներից ողջ է մնացել կեսից պակասը։ Թբիլիսիում նոր կենդանաբանական այգու կառուցման աշխատանքները կմեկնարկեն մոտ ժամանակներս։
