Վենեսուելայի նախագահ Նիկոլաս Մադուրոն մեկ բարել նավթի համար նվազագույն ընդունելի գին է համարում 70 դոլարը։ Այս մասին հայտնում է RIA Novosti-ն:
«Նվազագույնը, որ պետք է լինի՝ 70 դոլարն է, ցածր գներից չի շահի ոչ ոք»,- հայտարարել է նա «Մադուրոյի հետ կապի մեջ» հաղորդման եթերում։ Նրա խոսքով՝ ներկայիս 40 դոլար արժեքը պատշաճ չէ նավթային ոլորտում հետագա ներդրումների երաշխավորման համար։
Ավելի վաղ Վենեսուելայի առաջնորդն ասել էր, որ մեկ բարել նավթի արդար գին է 100 դոլարը, և վստահեցրել էր, որ իր երկիրը կձեռնարկի բոլոր հնարավոր ջանքերը, որպեսզի մեկ բարել նավթի գինը լինի այդ մակարդակի վրա։
