«Ռուսները մեզ խեղդում են, նրանք իրենց դերն են ուզում այս աշխարհում: Երրորդ համաշխարհային պատերազմից հետո իմպերիան քանդվեց, հիմա հետիմպերիալ ժամանակահատվածն է, նրանք եկել են և ասում են, որ այստեղ են թագավորել երկար ժամանակ, որ այս տարածքն իրենցն է»,- անդրադառնալով նախօրեին Հայաստանում ռուսական մեծաքանակ պատվիրակության ներկայության հանգամանքին, «Առաջին լրատվականի» հետ զրույցու կարծիք հայտնեց փիլիսոփայության դոկտոր, պրոֆեսոր Լյուդմիլա Հարությունյանը:
Նրա խոսքերով Հայաստանն ընկել է բարդ իրավիճակի մեջ, երբ Եվրոպան ասում է, թե սա իր ազդեցության ոլորտն է, Ռուսաստանն էլ ընդգծում է, որ ստրատեգիական ռեսուրսներն իր ձեռքում են. «Սա պայքար է, հզորագույն պայքար: Մենք միշտ վատ տեղում ենք գտնվում, ինչպես աշխարհագրական դիրքով ենք տեկտենիկ պլաստերի հպման կետում, նույնն կերպ էլ գտնվում ենք քաղաքական պլաստների հպման կետում»:
Հարությունյանի գնահատմամբ, հենց Հայաստանում ինչ-որ եվրոպական շարժ է լինում, ռուսները միանգամից գալիս են և ցույց տալիս հայերի տեղը. «Նրանք մեզ հիշեցնում են, որ մեր ունեցվածքն իրենց է պատկանում, մեր ատոմակայանի կեսը իրենցն է, այստեղ ռազմաբազա ունեն»:
Ըստ Հարությունյանի, այդ պատվիրակություններն հենց այսպես մարդիկ չեն, որ գալիս ու գնում են, այլ շահերն են գալիս և «խղճուկ Հայաստանին իր տեղն են ցույց տալիս». «Ռուսներն ասում են, հանկարծ մտքովդ չանցնի Եվրոպայի կողմը նայես, ես եմ քո հավերժական տերը»:
