Ոչ ազատ մամուլ ունեցող աշխարհի երկրների թվում Ադրբեջանը վատագույնների շարքում 19-րդն է, մինչդեռ Հայաստանն ու Վրաստանն ազատության կղզիներ են ամբողջ հսկա տարածաշրջանում։ i100.independent.co.uk-ն անդրադարձել է ոչ ազատ մամուլ ունեցող երկրներին՝ հղում անելով այս տարի ավելի վաղ «Լրագրողներ առանց սահմանների» կազմակերպության հրապարակած Մամուլի ազատության համաշխարհային ինդեքս-2015-ին, որում դիտարկված է 180 երկիր։ Միավորները հաշվակված են 0-100 սանդղակով, 0-ն լավագույնն է, իսկ 100-ը՝ վատագույնը։
Հայաստանը 78-րդն է (28.43 միավոր), Վրաստանը՝ 69-րդը (27.7), Թուրքիան՝ 149-րդը (44.16 միավոր), Ադրբեջանը՝ 162-րդը (58.41 միավոր)։
Ոչ ազատ մամուլով երկրների վարկանշային հնգյակը հետևյալ տեսքն ունի՝ Էրիթրեա, Հյուսիսային Կորեա, Թուրքմենստան, Սիրիա, Չինաստան։
Ազատ մամուլ ունեցող երկրների վարկանիշը հետևյալ տեսքն ունի՝ Ֆինլանդիա, Նորվեգիա, Դանիա, Նիդերլանդներ, Շվեդիա։
