Պահպանողական կուսակցությունը (նախագահ Միքայել Հայրապետյան) հայտարարություն է տարածել Երևանի ավագանու ընտրություններին չմասնակցելու վերաբերյալ:
Հայտարարության մեջ մասնավորապես ասվում է.
Շնորհակալություն հայտնելով Պահպանողական կուսակցությանը «Ժառանգություն» կուսակցության՝ զույգ կուսակցությունների դաշինքով Երևանի ավագանու ընտրություններին միասնաբար մասնակցելու առաջարկության առիթով, Պահպանողական կուսակցության Կենտրոնական խորհուրդը՝
ելնելով այն համոզումից, որ հանրապետության բնակչության կեսն ապրում է Երևան քաղաքում, ուստի ընտրությունները նույնպես քաղաքական պետք է լինեն,
ընդունելով, որ ընդդիմադիր ամբողջ դաշտի համար այսօր բարոյականը նախընթաց նախագահական ընտրություններում այլընտրանքային թեկնածուներից ամենաշատ քվեները ստացած և քաղաքակրթական արևմտյան արժեհամակարգ առաջարկած «Ժառանգության» ղեկավարին սատարելն է և ընդդիմադիր ընտրազանգվածը չատոմիզացնելը, հայտարարում է, որ Երևանի ավագանու ընտրություններում.
1. Չի մասնակցում որևէ դաշինքի ձևավորմանը, միևնույն ժամանակ նույնականորեն և երախտագիտությամբ հատուցում է ավագանու նախորդ ընտրություններում «Ժառանգության» բարոյական կեցվածքի դիմաց, երբ նա չմասնակցեց ընտրություններին՝ ասպարեզը զիջելով այն ժամանակվա ընդդիմության առաջատարին՝ նաև մեր մասնակցությամբ հիմնված Հայ ազգային կոնգրեսին,
2. «Ժառանգություն» կուսակցությանն իր սատարումն արտահայտում է նրա ցուցակում երեք ներկայացուցչի առաջադրմամբ, որոնց, Երևանի ավագանու անդամ դառնալու դեպքում պատվիրակում է հետապնդել բացառապես մեկ նպատակ՝ վերանվանել կոմունիստական կուսակցական գործիչների և ԿԳԲ-ի գործակալների անուններ կրող բոլոր փողոցներն ու հաստատությունները, Երևանում հիմնել կոմունիստական 70-ամյա ամբողջատիրության զոհերի թանգարան»:
