Շուկայական կապիտալիզացիայի արդյունքում Apple-ի արժեքը հասել է աշխարհի խոշորագույն ընկերություններ Exxon-ի, Chevron-ի և Wal-Mart-ի գումարային արժեքին, հայտնում է igate.com.ua-ն:
Dow Jones Newswire-ի վերլուծաբանների տվյալներով՝ Exxon, Chevron և Wal-Mart ընկերությունների շուկայական արժեքը վերջին 3.5 ամսում նվազել է մոտ 150 միլիարդ դոլարով, որի արդյունքում նրանց շուկայական կապիտալիզացիան հասել է 690 միլիարդ դոլարի:
Օգոստոսի սկզբին Apple-ի կապիտալիզացիան ընկել է 113.4 միլիարդ դոլարով: Այն նվազել է 3,2%-ով` Չինաստանում դիրքերի կորստի հետ կապված ներդրողների մտահոգության հետևանքով:
Չնայած Apple-ը 765 միլիարդ դոլար գարնանային մաքսիմումի հասնելուց հետո կորցրել է ավելի քան 100 միլիարդ դոլար, սակայն 2 նավթային հսկաներ Exxon-ը և Chevron-ը, ինչպես նաև աշխարհում ամենախոշոր խանութների ցանց Wal-Mart-ը գումարային արտահայտությամբ կորցրել են ավելի շատ շահույթ:
