Դեռ 2010 թ-ին սոցիալական բնակֆոնդի ձևավորման հետ կապված հայեցակարգ կազմվեց, ստեղծվեց «Սոցիալական բնակարան սպասարկման կենտրոն» ՊՈԱԿ, իսկ 2012թ-ին Մարալիկում բացվեց սոցիալական բնակարանային համալիր՝ 50 բնակարաններով: Այս մասին այսօր ԱԺ նիստում կառավարության հետ հարց ուպատասխանի ժամանակ հայտնեց ՀՀ աշխատանքի և սոցիալական հարցերի նախարար Արտեմ Ասատրյանը՝ նշելով, որ այդ համալիրում բնանկեցվել են մանկատան երեխաներ և այլ սոցիալապես խոցելի խմբերի ներկայացուցիչներ:
Նա տեղեկացրեց, որ առաջիկայում նախատեսվում է և կառավարության որոշմամբ հաստատվել է Երևանում Թբիլիսյան խճուղում հանրակացարանի համալիրը հիմնանորոգվում է. «Ապագայում ևս 45 ընտանիքներ կստանան սոցիալական բնակարաններ: Միևնույն ժամանակ 6 շենքեր ուսումնասիրվում են հյուսիս-հարավ-արևելք և արևմուտք սկզբունքով, որ վերակառուցվեն և հատկացվեն սոցիալական բնակֆոնդին»:
Ա.Ասատրյանը նշեց, որ այլ ծրագրեր ևս կան. Սպիտակում, Ստեփանավանում և Ծաղկահովիտում քննարկվում է սոցֆոնդի հարցը:
