ԱՄՆ-ը 2015-ին Վրաստանին ևս 20 մլն դոլարի ռազմական օգնություն կցուցաբերի «դաշնակիցների երաշխիքները ուժգնացնելու» ծրագրի շրջանակներում: Այս մասին գրում է RIA Novosti-ն` վկայակոչելով Պենտագոնի մամլո քարտուղար Պիտեր Քուքին:
Երեքշաբթի օրը ԱՄՆ պաշտպանության նախարար Էշթոն Քարտերը հանդիպել է իր վրացի գործընկեր Տինատին Խիդաշելիի հետ:
«Նախարարը հաստատել է Վրաստանի հետ համագործակցությունը շարունակելու ԱՄՆ-ի մտադրությունը` ներառյալ ամենամյա երկկողմանի և բազմակողմանի զորավարժություններն ու թրեյնինգները»,- ասել է Քուքը:
