Եգիպտոսում առաջնորդները կոչ են արել իրենց համաքաղաքացիներին զգոն լինել, քանի որ հաճախակի են դարձել այն երևույթները, երբ հանցագործները ներկայանում են որպես անվտանգության ծառայությունների աշխատակիցներ:
Վերջերս, ռազմական համազգեստներ կարելու համար օգտագործվող գործվածքի խոշոր չափաբաժին է հափշտակվել: Այն Գազայի տարածք է առաքվում: Դեպքի պատասխանատվությունն իր վրա է վերցրել ՀԱՄԱՍ խմբավորումը, որի ներկայացուցիչները հայտարարել են, որ գործվածքն իրենց հարկավոր է Գազայի տարածքում ռազմական շքերթների համազգեստ կարելու համար:
Մտավախություն կա, որ պաղեստինցիներն ու Եգիպտոսի ծայրահեղականները կփորձեն ապակայունացնել իրադրությունը եգիպտա-իսրայելական սահմանին գտնվող Սինայի թերակղզու ապառազմականցված տարածքում:
Միևնույն ժամանակ, Եգիպտոսում անվտանգության ծառայողները դաժանաբար երկու մարդու են ծեծել, ովքեր մեղադրվում են գողության մեջ: Նրանք ավաններից մեկում վրդովված ամբոխի առջև մերկացրել և կախաղան են բարձրացրել հանցագործներին: Մահապատժի ականատեսն է դարձել գրեթե 3 հազար մարդ:
Որոշ տվյալների համաձայն՝ այդ հանցագործները ռիկշա են գողացել: Ստացվում է, որ կարգուկանոնի փոխարեն երկիրն ընկղմվում է անօրինականության մեջ: Հազարավոր ոստիկաններ շարունակվող անկարգությունների հետ կապված՝ բողոքի զանգվածային ակցիաներ են անցկացրել:
