Քեթի Հոլմսի անհաջող ամուսնությունից հետո վերջապես նրա համար երջանիկ կյանք է սկսվել: Շահավետ առևտրային առաջարկներն անձրևի պես թափվում են նրա գլխին: Եվ այս ամենն՝ ամուսնալուծության շնորհիվ: Այժմ 34-ամյա աստղը բաց է նոր գործերի համար, որոնք նրան նախկինում նույնիսկ չէին էլ առաջարկում: Մասնավորապես, նախկինում աղանդավոր ամուսինը նույնիսկ ամենամեծ գումարներով չէր համաձայնի, որ նա մասնակցի բաց ֆոտոշարքի:
Սակայն այժմ միայնակ մայրը թանկագին և բարձրակարգ ոսկյա զարդեր գովազդելու հնարավորություն ունի։ Քեթի Հոլմսը դարձել է H.Stern’s Iris ոսկերչական ընկերության դեմքը: Նա համարյա մերկ նկարահանվել է լողափի ավազներին՝ ակնհայտ երիտասարդացած և գեղեցկացած: Ամուսնալուծությունը միանշանակ լավ է ազդել նրա վրա, աստղը բաց է նոր հարաբերություններիհամար ևս:
Մոդելային գործով Քեթի Հոլմսը զբաղվում է 14 տարեկանից: Դժվար թե այդ ժամանակ նա կարողանար պատկերացնել, որ հանրահայտ դերասանուհի կդառնա, ինչպես նաև՝ իր մերկ մարմնին թանկարժեք զարդեր կկրի: Ավելի վաղ այս ընկերության զարդերը գովազդել են Քեյթ Մոսը և Քաթրին Դենևը: Իրականում սա այս ընկերության հետ աստղի արդեն երրորդ ծրագիրն է: Վերջինը նվիրված է Լոնդոնում նոր խանութի բացմանը: Քեթրինի կերպարը ծայրահեղ սեքսուալ է, իսկ նա իր տարիքից բավականին երիտասարդ է երևում:
