ՀՀ առողջապահության նախարար Արմեն Մուրադյանի մոտ քննարկվել են դեղերի գրանցման և ներմուծման հետ կապված հարցեր: Ինչպես տեղեկացրին ՀՀ առողջապահության նախարարությունից, ՀՀ ԱՆ Դեղերի և բժշկական տեխնոլոգիաների փորձագիտական կենտրոնի փոխտնօրեններ Լիլիթ Ղազարյանը և Ալբերտ Սահակյանը ներկայացրել են, թե դեղերի գրանցման, ներմուծման և շրջանառության օրենսդրական կարգավորումներն ինչ փոփոխությ ունների կենթարկվեն «Դեղերի մասին» ՀՀ նոր օրենքի ընդունումից հետո։
Անդրադարձ է կատարվել նաև դեղերի զուգահեռ ներմուծման հետ կապված խնդիրներին։ Քննարկման արդյունքում առաջարկներ են եղել փոփոխություններ կատարել դեղերի զուգահեռ ներմուծումը կարգավորող իրավական ակտերում` դեղերի անվտանգությունը, արդյունավետությունը և որակն ապահովելու նպատակով։
