TASS-ի փոխանցմամբ՝ Հարվարդի համալսարանի իրավագիտության պրոֆեսոր, դեմոկրատ Լոուրենս Լեսինգը մտել է ԱՄՆ-ի նախագահական պայքարի մեջ: Այդ մասին հրապարակված է նրա պաշտոնական կայքում:
«Ես առաջարկում եմ խոշոր պլան, որը, փաստորեն, կկարողանա միավորել Ամերիկան»,- գրված է գիտնականի հաղորդագրությունում: Նախագահ ընտրվելու դեպքում Լեսինգը պատրաստվում է երկրում հանրաքվե անցկացնել այն հարցով, թե արդյոք ամերիկացիները աջակցում են գործող քաղաքական համակարգի ձևափոխմանը քաղաքացիների իրավունքների հավասարեցման նպատակով: Սակայն նա նշում է, որ, ըստ ԱՄՆ սահմանադրության, այդպիսի հանրաքվեն իրավական ուժ չի ունենա: «Գաղափարը կայանում է նրանում, որպեսզի սահմանադրությունը «կոտրելու» միջոց գտնվի»,- գրում է պրոֆեսորը:
Այսօր ավելի ուշ Լեսինգը մամուլի ասուլիսի ժամանակ նախագահի պաշտոնում առաջադրման համար կհաստատի իր ծրագրերը, կսկսի միջոցներ հավաքելու արշավ և կներկայացնի ԱՄՆ ընտրական համակարգը բարեփոխելու իր ծրագիրը: Նա նաև նշել է, որ եթե մինչև սեպտեմբերի 1-ը հավաքի 1 մլն դոլար, ապա կհրաժարվի համալսարանում աշխատելուց և ամբողջությամբ կնվիրվի նախագահական մրցավազքին:
