Սիրիայի՝ սովորական սպառազինության հիմնական տեսակների ներկրումը վերջին 5 տարիներին, 2003-2007թթ.-ի համեմատ, մեծացել է 511 տոկոսով: Այս մասին հայտնում է RIA Novosti-ն՝ հղում անելով Խաղաղության խնդիրների հետազոտման Ստոկհոլմի միջազգային ինստիտուտի զեկույցին (SIPRI):
Այսօր SIPRI-ն հրապարակել է 2008-2012թթ. ընթացքում սովորական սպառազինության հիմնական տեսակների միջազգային մատակարարումների մասին հերթական հետազոտության արդյունքները: Միջազգային ռազմական տրանսֆերների միտումների նկարագրման համար ինստիտուտի փորձագետները որպես հիմք վերցրել են հնգամյա ժամանակաշրջանի միջին ցուցանիշները:
Նախորդ հնգամյակի (2003-2007) տվյալներով՝ Սիրիան զբաղեցրել է զենքի խոշոր ներկրողների վարկանիշային աղյուսակի 61-րդ տեղը:
2008-2012 թվականներին Սիրիան բարձրացել է 25-րդ հորիզոնական: Նրան է բաժին ընկնում զենքի համաշխարհային ներկրման ծավալի 1 տոկոսը:
Ինստիտուտի տվյալներով՝ վերջին 5 տարում Սիրիայի համար զենքի խոշոր մատակարարը եղել է Ռուսաստանը, որի մասնաբաժինը ներկրման ընդհանուր ծավալում կազմել է 71 տոկոս: Ռուսական արտահանման մեջ, ըստ փորձագետների տվյալների՝ Սիրիայի մասնաբաժինը կազմում է 3 տոկոս:
Սիրիա զենքի երկրորդ խոշոր մատակարարը Իրանն է (14%), այնուհետև ՝ Բելառուսը (11%), Հյուսիսային Կորեան (3%) և Չինաստանը (1%):
Սիրիայի կողմից ներկրվող սպառազինության հիմնական տեսակներն են օդանավերը, ՀՀՊ համակարգերը և հրթիռային զենքը:
Հետազոտության մեջ որևէ հաստատում չկա սպառազինության հիմնական տեսակները սիրիական ապստամբներին մատակարարելու մասին:
