Rosbalt.ru կայքի փոխանցմամբ, ԱՄՆ Պետքարտուղարի` Եվրոպայի ու Եվրասիայի հարցերով տեղակալ Ֆիլիպ Գորդոնը Վաշինգտոնում լրագրողներին տված հարցազրույցի ժամանակ անդրադարձել է ՆԱՏՕ-Վրաստան փոխհարաբերություններին.
«ՆԱՏՕ-ն աշխատում է նոր մեխանիզմների վրա, որոնք պետք է առավել ուժեղացնեն Վրաստանը` որպես ՆԱՏՕ-ին անդամակցելու թեկնածու երկիր: Այս շաբաթ Բեռլինում հավաքվել էր ՆԱՏՕ-Վրաստան հանձնաժողովը: ՆԱՏՕ-ն հերթական անգամ Վրաստանին աջակցություն հայտնեց իր անդամակցության, ինչպես նաև Վրաստանի տարածքային ամբողջականության ու ինքնիշխանության հարցերում:
Ես չեմ կարող ՆԱՏՕ-ին Վրաստանի անդամակցության կոնկրետ ժամկետներ ու գրաֆիկներ նշել, սակայն կարող եմ ասել, որ ՆԱՏՕ-ի անդամ երկրները հերթական անգամ հաստատեցին այդ հարցում իրենց ստանձնած պարտավորությունները:
Վրաստանի անդամակցության հարցում ՆԱՏՕ-ն աշխատում է ամենամյա պլանի վրա և մշակում է այլ մեխանիզմներ, որոնք Վրաստանին կդարձնել առավել ուժեղ թեկնածու-երկիր»:
Հիշեցնենք, որ ՆԱՏՕ-Վրաստան հանձնաժողովը ստեղծվել է 2008 թվականի սեպտեմբերին` որպես քաղաքական խորհրդատվության ու գործնական համագործակցության ֆորում, որը նպաստելու է ՆԱՏՕ-ին Վրաստանի անդամակցությանը:
Ի դեպ, ապրիլի սկզբին Վրաստանի փոխվարչապետ, եվրաինտեգրման հարցերով պետնախարար Գիորգի Բարամիձեն հայտարարեց, որ տեխնիկական առումով Վրաստանը ՆԱՏՕ-ի անդամակցությանը պատրաստ կլինի արդեն 2-3 տարի անց: