Նիհարող Քիմ Քարդաշյանի հետ մեկտեղ Elle ամսագրի էջերում իր արտասովոր համեստ կերպարով աչքի է ընկել նաև Նիկի Մինաժը:
30-ամյա ռեփ-կատարողը, ով հայտնի է իր կտրուկ բնավորությամբ և փարթամ ազդրերով, պատմել է, թե ինչու է ցանկանում նվաճել աշխարհը, և ինչպես պետք է պահեն իրենց կանայք, որպեսզի տղամարդիկ հարգեն նրանց:
Elle-ի համար դիմահարդարման մասին
«Երբ ես ինձ տեսա նվազագույն դիմահարդարմամբ, դա նման էր… նույնիսկ չգիտեմ ինչի: Երևի ես շատ եմ կապված իմ վարդագույն շրթներկին և շատ դժվարությամբ եմ ընտելանում նոր ոճին: Թվում է, թե դիմահարդարումը դարձել է իմ մի մասնիկը: Ինձ համար տեսախցիկի առաջ առանց շրթներկի ու արհեստական թարթիչների հայտնվելը հավասար է մերկ լինելուն: Ես ցայտնոտի մեջ եմ հայտնվում: Այնպես որ, այդ նկարահանումն ինձ համար իսկական ձեռքբերում է»,- ասել է նա:
Հարգանքի ու կանանց մասին
«Ընդհանուր առմամբ ցանկանում եմ խորհուրդ տալ կանանց՝ եթե նույնիսկ դուք աշխատում եք իննից հինգը, միևնույն է՝ ձեզ գլխավորի պես պահեք: Ես ոչ թե մեծամտությունն ի նկատի ունեմ, այլ վստահությունն այն ամենի նկատմամբ, ինչ դուք ցանկանում եք: Մի թույլ տվեք ուրիշներին ղեկավարել ձեզ, առանց ձեր թույլտվության: Թող տղամարդը իմանա, որ չի կարող խաղալ ձեզ հետ ու պետք է ճիշտ վարվի»:
Համբավի մասին
«Սկզբում իմ նպատակը մայրիկիս համար տուն գնելն էր: Հիմա ես այլ բան եմ հասկացել՝ եթե ես կարողանամ հավաքվել ու գլխավոր խաղացող դառնալ բիզնեսում, ապա կարող եմ իսկական կայսրություն կառուցել: Ես մտածում եմ այն ժառանգության մասին, որով ես կհպարտանամ, ու այն հարստության մասին, որով իմ թոռները քոլեջ կընդունվեն: Այդ պատճառով համաշխարհային համբավը, իմ ընտանիքի շահերից ելնելով, հաստատ մտնում է իմ հեռանկարների մեջ»:
