Ուժեղ ձնաբքի պատճառով Հունգարիայի հազարավոր բնակիչներ ստիպված են եղել գիշերել ճանապարհներին արգելափակված իրենց մեքենաներում: Այս մասին հայտնում է Associated Press գործակալությունը:
Փրկարար ծառայության տվյալներով՝ իրադրությունն առավել ծայրահեղ է գլխավոր ազգային ավտոմայրուղու վրա, որը կապում է Բուդապեշտն ու Վիեննան: Ձյան և ուժեղ քամու պատճառով արգելափակվել էին նաև ազգային ավտոճանապարհային ցանցի այլ հատվածներ:
Վնասված հոսանքալարերը առանց էլեկտրականության են թողել շուրջ 100 հազար մարդու:
Եղանակային պայմանները իշխանություններին ստիպել են չեղյալ հայտարարել բազմաթիվ հրապարակային միջոցառումներ, որոնք նախատեսված էին այսօր: Փետրվարի 15-ին Հունգարիայում նշում են Հաբսբուրգների արքայատոհմի դեմ 1848-ի հեղափոխության հերթական տարելիցը:
Ընդդիմության ներկայացուցիչները հայտարարել են, որ չեղյալ են հայտարարում այս օրը ծրագրված բողոքի ակցիաները:
