Սթիվ Ջոբսը կդառնա մանգա ճապոնական կոմիքսների հերոս, որոնք պատմում են Apple ընկերության հիմնադիրներից մեկի կյանքի մասին: Ինչպես հաղորդում է The Japan Daily Press-ը, Ջոբսի կենսագրությունը կոմիքսներով կհրապարակվի Kiss կանանց ամսագրի էջերում:
Կոմիքսները հիմնված կլինեն Սթիվ Ջոբսի կենսագրության վրա, որը գրել է ամերիկացի լրագրող Ուոլթեր Այզեքսոնը (CNN հեռուստաընկերության նախկին տնօրեն): Այզեքսոնի «Սթիվ Ջոբս» գիրքի վրա հիմնված կլինի նաև նույնանուն ֆիլմը, որը նախատեսում է նկարահանել Sony Pictures-ը:
Կոմիքսի վրա աշխատում է նկարչուհի Մարի Յամաձակին, որը հայտնի է Thermae Romae մանգով։ Այն պատմում է հռոմեացի Լյուցիուսի մասին: Յամաձակին, որը Thermae Romae-ի համար ստացել է Օսամա Թեձուկիի հեղինակավոր մրցանակը, համացանցում արդեն ներկայացրել է Ջոբսի դիմանկարով նկարազարդում:
