Հյուսիսային Կորեան շարունակում է ԱՄՆ-ի մասին տեսանյութեր նկարահանել: Համացանցում հայտնվել է ցնցող տեսանյութ ժողովրդավարության կենսապայմանների մասին: Տեսանյութը, որի ստեղծումը վերագրվում է Հյուսիսային Կորեայի պետական պրոպագանդմամբ զբաղվող աշխատակիցներին, պատմում է աշխարհի ամենազարգացած երկրներից մեկի ոչ հեշտ կյանքի մասին: Այս մասին հայտնում է LifeNews-ը:
Հաճելի կանացի ձայնը Հյուսիսային Կորեայի բնակիչներին պատմում է ԱՄՆ-ում տիրող աղետալի վիճակի մասին: Համաձայն կադրերին ուղեկցող տեքստի՝ գրեթե բոլոր ամերիկացիները բնակվում են քրջոտ վրաններում, որոնց համար նյութը տարվել է Կիմ Չեն Ինի հայրենիքից: Ձայնը պատմում է նաև ծառերի վրա թռչունների բացակայության մասին, դա բացատրելով այն հանգամանքով, որ մարդիկ թռչուններին կերել են: Տեքստն ընթերցողի խոսքով՝ ԱՄՆ-ում զենքի ստացման նախապատվությունները ստեղծվել են այն բանի համար, որ բոլոր ցանկացողները կարողանան սպանել հնարավորինս շատ մարդկանց՝ ներառյալ երեխաների:
«Այս տղամարդը եղել է Հանրապետական կուսակցությունից Օրեգոն նահանգի թեկնածու: Իսկ այժմ նա բոլորի հետ եկել է աղքատների համար սննդի բաժանման կետ, որպեսզի ձյան ջրով պատրաստված լուծվող սուրճ ստանա»,- ասվում է տեսանյութում:
Տեսանյութը համացանցում արժանացել է ոչ միանշանակ վերաբերմունքի: Հյուսիսային Կորեայի ներկայացուցիչները դեռևս ոչ մի կերպ չեն մեկնաբանել սկանդալային հայտարարությունները:
