Twitter Inc. միկրոբլոգների ծառայության մաքուր կորուստը 2015թ. առաջին կեսին տարվա կտրվածքով ավելացել է 8%-ով՝ մինչև 299.1 մլն դոլար: Այս մասին հայտնում է RIA Novosti-ն՝ վկայակոչելով ընկերության հաղորդագրությունը:
Ընթացիկ տարվա առաջին 6 ամիսների արդյունքներով մաքուր կորուստը մեկ բաժնետոմսի հաշվով կազմել է 0.46 դոլար՝ նախորդ տարվա 47 ցենտի փոխարեն: Միևնույն ժամանակ, եկամուտն ավելացել է 1.7 անգամ՝ մինչև 938.3 մլն դոլար:
Երկրորդ եռամսյակի արդյունքներով մաքուր կորուստը նվազել է 5.5%-ով՝ մինչև 136.7 մլն դոլար: Արդյունքում մաքուր կորուստը մեկ բաժնետոմսի հաշվով նվազել է մինչև 0.21 դոլար՝ 2014թ. 24 ցենտի փոխարեն: Եկամուտն աճել է 1.6 անգամ՝ մինչև 502.4 մլն դոլար:
Ծառայության ակտիվ օգտատերերի միջին ամսական թիվը երկրորդ եռամսյակի արդյունքներով կազմել է 316 մլն մարդ, ինչը 15%-ով ավելի է 2014թ. նույն ժամանակահատվածի համեմատ:
2015թ. արդյունքներով ընկերությունն ակնկալում է 2.2-2.27 մլրդ դոլար եկամուտ:
