Երեխայի հետաքրքրվածությունն ուսման հանդեպ կարելի է բացահայտել դեռ շատ փոքր տարիքից: Կան երեխաներ, որոնց սերը ուսման հանդեպ անհետանում է բարձր դասարաններում, սակայն դա ունի մի հաստատուն պատճառ, այն է՝ անցումային տարիքը, մի ժամանակաշրջան, երբ երեխային հատուկ ուշադրություն է պետք: Ամեն ինչ ավելի բարդ է, երբ հետաքրքրությունն ուսման հանդեպ բացակայում է հենց առաջին դասարանից՝ հայտնում է direct-press.ru-ն:
Որոշ ծնողներ այդ երևույթին հատուկ ուշադրություն չեն դարձնում, քանի որ մեր ժամանակներում երեխաները դպրոց են հաճախում 6 տարեկանից, և ծնողները կարծում են, թե նրանք դեռ ուղղակի փոքր են ու պատրաստ չեն: Անշուշտ, առաջին օրերին երեխային դժվար կլինի նստեցնել տեղում, սակայն հետագայում երեխայի մոտ պետք է հետաքրքրվածություն առաջանա իմացության հանդեպ: Այլ ծնողներ ընդհակառակը՝ փորձում են որքան հնարավոր է շատ բան սովորեցնել երեխային մինչ դպրոց ուղարկելը՝ կենտրոնանալով ոչ թե երեխայի հետաքրքրությունների, այլ արդյունքի վրա: Այդ կերպ դուք ուղղակի «ծրագրավորում» եք երեխային ամենաշատը, ինչ կարող եք սովորեցնել հաստատակամությունն է: Իսկ ուսման հանդեպ հետաքրքրություն առաջացնելը իրոք հեշտ խնդիր չէ:
Եթե պարապմունքների ժամանակ ձեր երեխայի ուշադրությունը ցրված է, կա քնկոտություն, ալարկոտություն, բողոքներ վատ ինքնազգացողությունից, բոլոր այս երևույթները հետաքրքրության բացակայության նշաններ են:
Ծնողների և ուսուցիչների խնդիրը երեխային սովորեցնելն է, թե ինչպես իմացությունից հաճույք ստանալ:
Նախևառաջ մտածեք այն մասին, թե ինչու ձեր երեխան ցանկություն չունի որևէ նոր բան իմանալու: Խնդրի էությունը փնտրեք ոչ թե երեխայի, այլ ինքներդ ձեր մեջ:
