telegraf.com.ua-ն ներկայացնում է պարզ խորհուրդներ՝ ինչպես պահպանել առողջությունը համակարգչի առջև նստած:
Եթե ամբողջ աշխատանքային օրվա ընթացքում աշխատում եք համակարգչի դիմաց, պարտադիր ժամը մեկ վեր կացեք աթոռից ու քայլեք: Այդ 2-3-րոպեանոց ընդմիջումն անհրաժեշտ է: Գրասենյակում աշխատող աղջիկները կարող են աշխատավայրում երկրորդ զույգ կոշիկ պահել՝ ոչ կրունկով, որ ոտքերը հանգստանան:
Ամենասկզբից աթոռը կամ բազկաթոռը կարգավորեք՝ հաշվի առնելով ձեր հասակը, մի մոռացեք ձեռնատակերի մասին: Դեմքը պետք է լինի էկրանից առնվազն 35-40 սմ հեռու: Պարբերաբար աչքերն էկրանից հեռացրեք և աչքերի մեկրոպեանոց մարզանք արեք՝ փակել-բացել, շրջել ձախ, աջ, հեռու նայել, քթին, նորից հեռու: Ստեղնաշարով լարված աշխատանքի դեպքում նաև մի մոռացեք ձեռքերի դաստակների և մատների մարզանք անել: Աշխատանքի ժամանակ ոտքերը պետք է հատակին լինեն, դրանք խաչելու դեպքում ավելի լավ է՝ կոճերի մասում, քան ծնկների, այդպես պակաս վնասակար է:
