Միջազգային վարկատուներն ու Հունաստանն ուրբաթ բանակցություններ կանցկացնեն ֆինանսական աջակցության մասին։ Այս մասին հայտնում է Reuters-ը՝ հղում անելով կառավարական աղբյուրներին։
Աթենքն ակնկալում է, որ դրանք կավարտվեն օգոստոսի 20-ին։ Հաջորդ շաբաթ Հունաստանի կառավարությունը նաև որոշում կընդունի Աթենքի բորսայի բացման մասին, որը փակվել էր հունիսի 29-ին։
Գործակալության զրուցակիցը հայտարարել է, որ 2015-ին երկրի տնտեսությունը կաճի 1 տոկոսից քիչ։
Մինչև օգոստոսի 6-ը Հունաստանը պետք է ընդունի օրենքներ, որոնք կբարեփոխեն կենսաթոշակային համակարգն ու կնվազեցնեն արտոնությունները ֆերմերների համար։ Իշխող ՍԻՐԻԶԱ կուսակցությունում այդ փոխակերպումներն անվանել են ամենածանրը։
Այսօր երկրի խորհրդարանը հավանություն էր տվել բարեփոխումների երկրորդ փաթեթին։ Պատգամավորները հստակեցրել էին վարկային կազմակերպությունների վերակառուցման կանոնները, պարզեցրել մի շարք դատական ընթացակարգեր։
