1990-ականների գլխավոր սեքս-խորհրդանիշ Շերոն Սթոունն օրերս նշել է իր 55-ամյակը, հայտնում է segodnya.ua-ն:
Դերասանուհին ծննդյան տոնին իր տուն է հրավիրել մոտ 300 հոգու (որոնց թվում՝ Մայքլ Դուգլասին, Վուդի Ալենին, Ջոն Տրավոլտային) և հյուրասիրել 55 տարվա հնության գինի, որը հատուկ այդ օրվա համար գնել է ինտերնետ-աճուրդներից մեկի ժամանակ:
Որպես նվեր՝ Սթոունը բացառապես ադամանդներ է ստացել. Հոլիվուդում դերասանուհին հայտնի է թանկարժեք իրերի իր հսկայական հավաքածուով:
Դերասանուհին իր գեղեցկության հիմնական գաղտնիքը համարում է… տղամարդկանց: «Բայց կա մեկ «բայց»,- ծիծաղում է Սթոունը,- տղամարդը պետք է ձեզնից շատ ավելի երիտասարդ լինի: Նա պետք է ձեզ վարակի իր ուժով ու ավյունով»:
Շերոնը 3 որդեգրված տղա ունի: Նա ասել է. «Երեխաները մեզ ստիպում են այլ կերպ նայել աշխարհին: Ես մինչև 40-ը չէի երազում մայրության մասին, իսկ հետո պարզվեց, որ դա իմ լավագույն դերն է: Իմ տղաների շնորհիվ՝ ես խաղում եմ մե՛րթ Քինգ-Քոնգ, մե՛րթ Ֆրանկեյնշտեյն: Կինոյում ինձ հաստատ նման բան չեն առաջարկի»,- ծիծաղում է Սթոունը:
