Պորտուգալիայի տնտեսությունը վերջին 37 տարիների ընթացքում ամենախորը անկումն է ապրում։ Այս մասին ասվում է երկրի վիճակագրական գործակալության տարածած տեղեկատվության մեջ: Ինչպես տեղեկացնում են Associated Press-ը, անցած տարում երկրի տնտեսությունը կրճատվել է 3,2 %-ով. Դա, 1975-ից սկսած, ամենակտրուկ անկումն է:
Պորտուգալիան փորձել է իրականացնել պարտքերը կրճատելու միջոցառումներ, մասնավորապես՝ բարձրացրել է հարկերը և կրճատել աշխատավարձերն ու թոշակները: Այսպիսով, պետությունն իրականացնում է այն պայմանները, որոնք առաջարկվել են միջազգային վարկատուների կողմից 78 միլիարդ եվրո վարկի փոխարեն, որը ստացվել է 2011-ին: Տնտեսության կոշտ քաղաքականությունը հաճախ անվանում են երկրում աճող բարդությունների և անկման խորացման պատճառը:
Երկուշաբթի օրը երկրի վիճակագրական գործակալությունը զեկուցել է նաև այն մասին, որ մասնավոր սպառման և արտահանման դանդաղեցման գործընթացները չորրորդ եռամսյակում տնտեսության 3,8 % անկման պատճառ են հանդիսացել: Երկրում գործազրկությունը 17,6 % է կազմում։ Այսպիսով, Պորտուգալիան՝ Հունաստանից և Իսպանիայից հետո, գործազրկության ցուցանիշով երրորդ տեղն է զբաղեցնում:
