Չինացի բժիշկներին հաջողվել է փրկել 9-ամյա աղջկա ձեռքը՝ այն ժամանակավորապես կարելով նրա ոտքին։ Հուլիսին Մին Լին դպրոցից վերադառնալիս ընկել էր տրակտորի տակ, ինչի հետևանքով նրա ձախ ձեռքը պոկվել էր։
Քանի որ վերջույթն ուժեղ վնասվել է, բժիշկները չեն կարողացել միանգամից կարել այն և որոշել են երեք ամսով ձեռքը միացնել ոտքի արյունատար անոթներին, հայտնում է NEWSru.com-ը՝ հղում կատարելով չինական ԶԼՄ-ներին:
Մի քանի օր առաջ բժիշկները գրեթե լավացող ձեռքը կարել են իր տեղում, ինչի արդյունքում աղջիկն արդեն կարողանում է շարժել մատները։
Սակայն Մին Լիին 2 նոր վիրահատություն և ֆիզիոթերապիայի կուրս է սպասում։’
