Spletnik.ru-ի փոխանցմամբ` Քեյթլին Ջենները, որին մինչև վերջերս համայն աշխարհը ճանաչում էր որպես Բրյուս Ջեններ, արդեն մի քանի ամիս է, ինչ չի հեռանում թերթերի առաջին էջերից:
Հերոսուհին ծնվել է 1949 թվականի հոկտեմբերի 28-ին, նա ծնվել է որպես տղա, որին անվանել են Բրյուս: Բրյուսը մանուկ ժամանակ զբաղվել է սպորտով և ստացել համաշխարհային ճանաչում` 1976 թվականի Օլիմպիական խաղերի ժամանակ տասնամարտում նվաճելով ոսկե մեդալ:
1975 թվականի օգոստոսին Բրյուսն իր մարզաձևում սահմանել է նոր համաշխարհային ռեկորդ, որը գերազանցեցին միայն 1980 թվականին:
Իր հաղթանակից հետո Բրյուսը սկսեց նկարահանվել ֆիլմերում ու սերիալներում: Ընդ որում` նրա կինոկարիերան այդքան էլ հաջող չէր: Բրյուսը ներկայացվել է «Ոսկե ազնվամորի» մրցանակին` որպես վատագույն դերասան «Երաժշտությանը չես կանգնեցնի» ֆիլմում խաղացած դերի համար:
1991 թվականի օգոստոսին Բրյուսն ամուսնացել է (արդեն երրորդ անգամ) Քրիս Ջենների հետ, ով էլ նպաստել է հետագայում նրա հանրաճանաչությանը:
Ջեններին ու նրա ընտանիքին իսկական հանրաճանաչությունը այցելեց 2007 թվականից հետո, երբ առաջին անգամ եթեր հեռարձակվեց «Քարդաշյանների ընտանիքը» շոուն: Դրանում նկարահանվել են Բրյուսը, նրա կին Քրիսը ու նրանց երեխաներ Քորթնին, Քիմը, Քայլին, Քենդալը, Քլոեն ու Ռոբը:
2015 թվականի հունիսին Բրյուսը հայտարարեց, որ իր անունը փոխում է՝ դարձնելով Քեյթլին, և որ այսուհետ իրեն կին է համարում: Դրանով իսկ նա դարձավ Քեյթլին Ջեններ:
