2012-ի աշնան վերջին Իրանում գործազուրկների թիվը եղել է ավելի քան 2.688 մլն: Այս մասին հայտնում է Mehr գործակալությունը՝ հղում անելով Իրանի Վիճակագրական ծառայությանը:
2012-ի ամռան համեմատ՝ գործազուրկների թիվը կրճատվել է 326 հազար 170-ով: Գործազուրկների ընդհանուր թվի մոտ 76 տոկոսը 15-29 տարիքային խմբի մարդիկ են:
2012-ի աշնանը Իրանում գործազրկության մակարդակը հասել է 11.2 տոկոսի, ինչը 0.6 տոկոսով ցածր է 2011-ի աշնան ցուցանիշից: Ընթացիկ իրանական տարվա (սկսվել է մարտի 20-ին) առաջին կեսին ստեղծվել է շուրջ մեկ միլիոն նոր աշխատատեղ:
Վիճակագրության ծառայության զեկույցում ասվում է, որ անցած տարվա ընթացքում երկրի աշխատունակ բնակչությունը կազմել է 25 միլիոն մարդ:
Իրանում առավել խոցելի խումբ են համարվում 20-24 տարեկան անձինք, որոնք առավել հաճախ են դառնում գործազուրկ: Այս խմբում գործազրկության մակարդակը հասնում է 29.8 տոկոսի:
