Իտալացի բժիշկները տագնապ են բարձրացրել. ռեկորդային ջերմաստիճանով անոմալ շոգերը սպառնում են մարդկանց առողջությանը։ Անոմալ շոգերը երկրի գրեթե ողջ տարածքում հաստատվել են շաբաթվա կեսից։ Այս մասին հայտնում է RIA Novosti-ն։
Առողջապահության նախարարության կայքում նշվում է, որ վտանգավորության «կարմիր» (ամենաբարձր) մակարդակ է հաստատվել երկրի միանգամից 10 խոշոր քաղաքներում, այդ թվում՝ Հռոմում։ Ցերեկային ջերմաստիճանի պիկը կգրանցվի Լատինայում (39 աստիճան), ինչպես նաև Հռոմում և Ֆլորենցիայում, որտեղ ջերմաստիճանը կհասնի 37 աստիճանի։
Վաղը վտանգավորության «կարմիր» մակարդակ կհայտարարվի ևս 4 քաղաքներում։ Որոշ շրջաններում ցերեկային ջերաստիճանը կհասնի 42 աստիճանի։
Շոգ եղանակը կպահպանվի առնվազն մինչև հուլիսի 23-ը։
