«Նախանցած գիշերը հաջող չէր Եվրոպայի համար: «Ուժեղի իրավունքով» ճնշում էր գործադրվել մեկ կողմի՝ ժողովրդի վրա: Բանակցությունների սեղանին դրված էր համաձայնությունը կամ սնանկացումը և եվրագոտուց դուրս գալը»,- ասել է Ցիպրասը:
Նա նշել է, որ համաձայնության հարցը դեռ լուծված չէ: Այն պետք է բավարարի ֆինանսավորման պահանջները, դեպոզիտների երաշխիքը, 35 մլրդ եվրոյի ներդրումը և պարտքի հետ կապված խնդիրների լուծումը, տեղեկացնում է ՌԻԱ Նովոստին:
Հունաստանի վարչապետը նաև ասել է, որ ձեռնարկվող միջոցները հնարավորություն կտան 3 տարվա ընթացքում ձեռք բերել 7,9 մլրդ եվրո:
Հիշեցնենք, որ Հունաստանի հարցով գագաթնաժողովը երկուշաբթի օրը ավարտվել է ԵՄ-ի հետ փոխզիջմամբ և համաձայնությամբ, սակայն Հունաստանի խորհրդարանը պետք է հավանություն տա հարկային և կենսաթոշակային բարեփոխումներին, որոնց հետ ոչ բոլոր պատգամավորներն են համաձայն:
