Թուրքիայի նախագահ Ռեջեփ Թայիփ Էրդողանը մասնակցել է իֆտարին (Ռամադանի ծոմի ավարտն ազդարարող միջոցառում), որը կազմակերպել է TUMSIAD կազմակերպությունը՝ հայտնում է Anadolu գործակալությունը։
Իր ելույթի ժամանակ նախագահն ասել է, որ անհամբերությամբ է սպասում նոր կառավարության ձևավորմանը։ Նա նաև նշել է, որ եթե եռօրյա բանակցությունների ընթացքում արդյունք չլինի, երկխոսությունները կշարունակվեն Ռամադանից հետո։
«Ցանկանում եմ ևս մեկ անգամ հայտարարել, որ Թուրքիան ունի այնպիսի կառավարության կարիք, որը ունակ է ճիշտ որոշումներ կայացնել»,- ասել է նախագահը։
Հունիսի 7-ին Թուրքիայում անցկացված խորհրդարանական ընտրություններին մասնակցել են 20 կուսակցություններ։ Արդյունքների հրապարակումից հետո 45 օրում պետք է ձևավորվի կոալիցիոն կառավարություն։
