Հինգշաբթի օրը ռուս գործարար Գերման Ստերլիգովը Ղարաբաղից Մոսկվա կվերադառնա: Այս մասին Շուշի քաղաքում գործարարարի մամլո ասուլիսից հայտնում է «Նորությունների ռուսական ծառայության» թղթակիցը: Որպես իր խոսքերի հաստատում՝ Ստերլիգովը լրագրողներին ցույց է տվել ինքնաթիռի տոմսը:
Մամլո ասուլիսի ժամանակ բիզնեսմենը նշել է Ռուսաստանից իր արագ հեռանալու պատճառը: Ստերլիգովի խոսքով՝ երկար ժամանակ ինքը սպառնալիքներ է ստացել իր հասցեին: Հունիսին, երբ ԶԼՄ-ներում տեղեկություն է հայտնվել, որ նրան կարող են քննել «Ռուսական ազգայնականների ռազմական կազմակերպության» (ՌԱՌԿ) ծայրահեղականների գործով, բիզնեսմենը որոշել է լքել Ռուսաստանը: Նա այդ հրապարակումներն անվանել է պատվիրված և հերթական անգամ հերքել է այդ կազմակերպության գործունեությանն իր մասնակցությունը:
Ստերլիգովը պարզաբանել է, որ միակը, ում նա ճանաչում է ՌԱՌԿ-ից, Իլյա Գորյաչևն է: Կազմակերպության առաջնորդը նրանից փող է խնդրել պատրիարքության ուղղվածության ամսագրի համար, բայց բիզնեսմենը նրան մերժել է:
«Ես, բնականաբար, փող չեմ տվել, քանի որ դուք գիտեք իմ վերաբերմունքը Մոսկվայի պատրիարքության նկատմամբ»,- ասել է Ստերլիգովը
Բիզնեսմենը նաև պատմել է, որ սկզբում ուզում էր Բելառուս մեկնել, բայց արդյունքում որոշել է Ղարաբաղում մնալ: Նա հիացմունք է հայտնել այնտեղ ապրող մարդկանց հյուրասիրությամբ:
Հուլիսի 6-ին Ստերլիգովը լքել է Ռուսաստանը և մեկնել Լեռնային Ղարաբաղ:
Ստերլիգովի անունը վերջերս նշվել է՝ կապված «Ռուսական ազգայնականների ռազմական կազմակերպության» (ՌԱՌԿ) գործի վարույթի հետ: Ինչպես ենթադրում է Ստերլիգովի փաստաբանը, հենց այդ պատճառով է նա հեռացել Ռուսաստանից:
Ստերլիգովի փաստաբան Արթուր Հայրապետովը հայտնել է BBC-ին, որ գործարարի հետ մշտական կապի մեջ է, և հաստատել, որ նա գնացել է Լեռնային Ղարաբաղ: