Անցած շաբաթ ԱՄՆ-ում տեղի է ունեցել համադասարանցիների յուրահատուկ հանդիպում. դատական նիստի ժամանակ պարզվել է, որ դատավորն ու կողոպտիչը նախկին դպրոցական ընկերներ են:
Արթուր Բութ անունով տղամարդը ձերբակալվել է գողության, ավտոմեքենայի առևանգման և հետապնդման ժամանակ փախուստի համար՝ հայտնում է mirfactov.com-ը: Դատավոր Մինդի Գլեյզերը վարել է նրա գործի լսումը, իսկ վերջում հարցրել՝ արդյոք նա Նաութիլուսո՞ւմ է միջնակարգ դպրոց գնացել: Տղամարդու հետագա արձագանքը մեկնաբանության կարիք չունի:
«Նա դպրոցում ամենաբարի երեխան էր, մենք միասին ֆուտբոլ էինք խաղում: Ինձ միշտ հետաքրքրել է՝ հետո ձեզ հետ ինչ է եղել: Հուսով եմ՝ դուք կկարողանաք վերադառնալ նորմալ կյանքի»,- ասել է դատավորը, որն առաջինն է ճանաչել իր դպրոցական ընկերոջը: