Euromag.ru-ի փոխանցմամբ՝ Հիտլերի կառուցած հանգստի ճամբարը կբացվի այս տարի: Ծովափնյա հատվածում նացիստների համար կառուցված ճամբարը հոկտեմբերին իր դռները կբացի զբոսաշրջիկների համար:
Խոսքը Prora ճամբարի մասին է, որը Հիտլերի հրամանով կառուցվել է 1936-1939 թվականներին, գերմական ոչ մեծ Ռյուգեն կղզու վրա: Այն երբևէ չի ընդունել հյուրերի: Այժմ ճամբարը հայտնվել է անշարժ գույքի գծով փորձագետների տեսադաշտում: Այն ունի ավելի քան 10.000 սենյակ: Ճամբարի կառուցումը դադարեցվել է այն ժամանակ, երբ Հիտլերը որոշել է կենտրոնանալ Երկրորդ համաշխարհային պատերազմը սանձազերծելու վրա:
