«էս իշխանությունների խելքը գլխին չի գա, որովհետև չունեն, պայքարը կամաց իր հունի մեջ է մտնում, սա առաջին շարքերն է, առաջին բազեներն են, հետո այդ երամը կարգին երամ է դառնալու, վստահ եմ՝ երիտասարդները հաջողելու են»,- «Առաջին լրատվական»-ի հետ զրույցում ասաց ազատամարտիկ, ՀԽ անդամ Պավլիկ Մանուկյանը:
Ըստ նրա՝ իշխանությունները սոցիալական ցեղասպանություն, հայրենազրկում են իրականացնում: «Իշխանափոխությունից հետո բացահայտվելու է, թե սրանք ինչ կարգի բռնություններ և ինչ այլանդակություններ են արել, այնպես որ՝ միակ ճանապարհը սա է, իրենք են դրդում, ինչպես ցույց տվեց կյանքը, հիմարի դեմքին ապտակելը կենսական պահանջ է»,- ընդգծեց ազատամարտիկը:
Ըստ նրա՝ իշխանությունները կարմիր գծի վրա են. «Այնպես է, որ նույնիսկ իշխանությունների շրջանակում կան խելացի, գիտակից մարդիկ, որոնք հասկանում են, որ երկիր ենք կորցնում, գլխի վրա գլորվում ենք անդունդը, էդ մարդիկ ընկել են ոհմակի մեջ, բայց գայլ չեն, և ուզեն թե չուզեն, բնականաբար, հետ են կանգնելու, մնալու է միայն ոհմակը»:
Ըստ Պավլիկ Մանուկյանի՝ պայքարը պիտի ազգային լինի, քանի որ սարդարապատային իրավիճակ է:
Մանրամասները՝ տեսանյութում:
