Ինչպես հայտնի է, ս.թ. ապրիլ ամսին «Գազպրոմ» ընկերության ղեկավար Ալեքսեյ Միլլերը հայտարարել էր, որ Հայաստանում գազի բաշխմամբ զբաղվող «Գազպրոմ Արմենիա» ընկերությանը մատակարարվող բնական գազի գինը էժանացել է և դարձել 165 ԱՄՆ դոլար` 1000 խորհարանարդ մետրի դիմաց:
Սակայն, «Իրազեկ Քաղաքացիների Միավորման» հարցմանն ի պատասխան «Գազպրոմ Արմենիա»-ից հայտնեցին, որ սահմանին բնական գազի գինն այժմ կազմում է 190.65 ԱՄՆ դոլլար/1000 խմ:
Այսինքն` Երևանում «Գազպրոմ»-ի ղեկավար Ալեքսեյ Միլլերի արված հայտարարությունը չի համապատասխանում իրականությանը և Հայաստան մտնող բնական գազի գինը չի զեղչվել: Իսկ դա նշանակում է, որ «Գազպրոմը» շարունակում է դեպի Հայաստան վաճառված գազի և ռուբլի/դոլար փոխարժեքի փոփոխության հաշվին գերշահույթներ ստանալ:
Հ.Գ. Հայաստանում գազի գնի խնդիրների մասին կարող եք տեղեկանալ «Իրազեկ Քաղաքացիների Միավորման» դեռ ամիսներ առաջ հրապարակված տեսանյութից՝
«Իրազեկ Քաղաքացիների Միավորում»
