Արագածոտնի մարզի Օհանավան, Կարբի և Ուշի գյուղերի բնակիչները այսօր հոսանքը չթանկացնելու պահանջով ստորագրահավաք էին անցկացնում և նշում, որ բաց նամակով դիմելու են կառավարությանը:
Ակցիայի ժամանակ ցանկացողները ստորագրում էին և միանում ակցիային: Սակայն Brabus-ով, X5-ով գալիս էին անձինք, իջնում մեքենայից, զրուցում գյուղացիների հետ՝ ասելով՝ ամոթ է, ակցիայով ոչինչ չի որոշվում:
Գյուղացիներին շատերն էին մոտենում, իսկ նրանք պնդում էին, որ մոտեցողների մեջ քաղաքացիական հագուստով ոստիկաններ կան, նրանցից մեկը նույնիսկ ստորագրություններով թուղթն էր նկարում, հետո հեռախոսով անուններ զեկուցում:
Գյուղացիներին ամոթանք տալու էր եկել նաև մարզպետարանից ներկայացուցիչ, սակայն բնակիչները նրան հորդորեցին հեռանալ և հօգուտ իրենց աշխատել: «Թույլ չենք տա խանգարել: Պայքարելու ենք, հոսանքը չի՛ թանկանալու»,- նշեցին նրանք:
Նշենք, որ տեղում շրջում էին նաև ՃՈ մեքենանները:
Մանրամասները՝ տեսանյութում:
