Այսօր Քանյե Ուեսթը դարձավ 38 տարեկան, հայտնում է interviewrussia.ru-ն: Թվում է նա ամեն ինչ ունի՝ գեղեցկուհի կին, դուստր, միլիոններ և հաջողակ կարիերա: Սակայն, չգիտես ինչու աշխարհի բոլոր տղամարդիկ նրա նկատմամբ ունեն միանման վերաբերմունք՝ խղճալ ռեպերին: Ինչու՞:
Քանյե Ուեսթի մշակույթի, նորաձևության և մյուս ակնհայտ նվաճումների կողքին կա ևս մեկ նվաճում՝ Քիմ Քարդաշյան: Ճիշտ է, դժվար է կողքից դատել, սակայն նրանց փոխհարաբերություններն իդեալական կերպով նկարագրված է ռուսական համացանցում տարածում գտած նկարի հետևյալ գրառումում. «Ամեն մի մեծ տղամարդու հետևում կանգնած է մեծ կին, ով նրան ասում է, որ նա ընդհանրապես ոչինչ չարժե»:
Հայտնի չէ, թե Քիմը նրան կոնկրետ ինչ է ասում, բայց կան մի քանի կողմնակի վկայություններ: Ուեսթը երկար ժամանակ կյանքով լեցուն և ուրախ տղա էր, իսկ ամուսնությունից անմիջապես հետո, նրա դեմքին առաջացել է տառապանքի արտահայտություն: Միլիոնավոր տղամարդկանց չես խաբի, նրանք գիտեն, որ այդպիսի արտահայտություն տղամարդիկ ունենում են իրենց ընկերուհու կամ կնոջ «տանը կխոսենք» սարսափելի բառերից հետո:
Թվում է, թե Քանյեն ընկել է դժոխք: Պապարացիներից թաքնվելով նա մի անգամ գլխով խփեց ճանապարհային նշանին, հետո թողարկեց կարճ կատաղած ալբոմ Yeezus, որտեղ տասը երգի մեջ էլ հիստերիկ կերպով ապացուցում էր, որ ինքն աստված է:
Բարեբախտաբար, երկու ամիս առաջ Քանյեն վարվեց միակ ճիշտ ձևով: Բանը նրանումն է, որ Երևան՝ Քիմ Քարդաշյանի բարեկամներին այցելության ժամանակ, տխրությունն անցել էր նրա դեմքից և այնտեղ հայտնվել էր երանելի ժպիտ: Հետո տեղի ունեցավ հետևյալը: Համացանցը լցվեց տեսանյութով՝ Քանյեն երգում է Երևանի օպերայի շենքի առջևի լճակում: Այնտեղից նրան դուրս քաշեց ոստիկանությունը: Այդ ժամանակ Քանյեի դեմքը ճառագայթում էր բացարձակ անկեղծ երջանկությամբ: Այդ արկածից մոտ մեկ ամիս անց, Քանյեն և Քիմը պաշտոնապես հայտարարեցին, որ սպասում են երկրորդ երեխային:
Մետաֆիզիկական իմաստով այս պատմության մեջ երևում է երկու կարևոր բան: Առաջին՝ կարող ես քեզ համարել աստված, սակայն կհայտնվի մեր աղջիկը (այդպես են Քիմին անվանում Ամերիկայի հայ տաքսիստները), ով առանց հատուկ ջանքերի կքանդի քո այդ պատրանքը, չնայած այն բանին, որ քո սպորտային կոշիկների համար երկրպագուները պատրաստ են վճարելու 10 հազար դոլար և մի շաբաթ հերթ կանգնել խանութում: Երկրորդ՝ ընտանեկան կյանքը կարող է լինել ծանր փորձություն, բայց այն պահպանելու համար, նվազագույնը կա մեկ տարբերակ՝ մեկնել Երևան և այնտեղ անկարգություններ անել։ Եվ ևս մեկը՝ Քիմից և Քանյեից առաջ ոչ մի աստղային զույգ տղամարդկանց կողմից այդպիսի անկեղծ կարեկցանքի չի արժանացել:
Ծնունդդ շնորհավոր, Քանյե: Դիմացի՛ր:
